എടപ്പാള്‍ : സമൂഹ മന:സാക്ഷിയെ ഞെട്ടിക്കുന്ന അക്രമങ്ങളുടെ അടിസ്ഥാനം മദ്യവും മയക്കുമരുന്നുകളുമാണെന്ന യാഥാർത്ഥ്യം സമൂഹം ഉള്‍ക്കൊള്ളണമെന്ന് കേരള മദ്യനിരോധന സമിതി പൊന്നാനി താലൂക്ക് പ്രവർത്തക കൺവെൻഷൻ ആവശ്യപ്പെട്ടു. അതിനാല്‍ത്തന്നെ ഈ വിപത്തിനെ പ്രതിരോധിക്കാന്‍ ഭരണാധികാരികളും പൊതുപ്രവർത്തകരും തയ്യാറാകണമെന്നും കണ്‍വെന്‍ഷന്‍ ആവശ്യപ്പെട്ടു . താലൂക്കിലെ വിവിധ ഗ്രാമങ്ങളിലും വിദ്യാലയങ്ങളിലും ബോധവൽക്കരണ പ്രവർത്തനങ്ങൾ നടത്താനും തീരുമാനിച്ചു. മുൻ രാജ്യസഭാംഗം സി. ഹരിദാസ് ഉദ്ഘാടനം ചെയ്തു. അടാട്ട് വാസുദേവൻ അധ്യക്ഷത വഹിച്ചു. സിദ്ദീഖ് മൗലവി അയിലക്കാട്, റഷീദ് കണ്ടനകം , അലവിക്കുട്ടി ബാഖവി, പി.കോയക്കുട്ടി മാസ്റ്റർ, അജി കോലൊളമ്പ്, കുഞ്ഞുമുഹമ്മദ് പന്താവൂർ, മോഹനൻ തിരുമാണിയൂര്‍ , ഇ. സത്യൻ, എം. മാലതി എന്നിവർ പ്രസംഗിച്ചു.
Comments
Post a Comment