എടപ്പാൾ : മോഷ്ടിച്ച ബൈക്കുമായി നടുവട്ടത്ത് എത്തിയ യുവാവിനെ നാട്ടുകാര്‍ പിടികൂടി പോലീസില്‍ ഏല്‍പ്പിച്ചു. എരുമപ്പെട്ടി സ്വദേശി റഫീഖ്( 35) ആണ് പിടിയിലായത്. ബുധനാഴ്ച ഉച്ചക്ക് 2.30-ന് നടുവട്ടം സെന്ററിലെ നമസ്ക്കാര പള്ളിക്കു സമീപം മുഖാവരണം ധരിച്ചു നില്‍ക്കുകയായിരുന്ന റഫീഖിനെ സംശയം തോന്നിയ പിടികൂടി ചോദ്യം ചെയ്തപ്പോള്‍ ഇയാള്‍ പരസ്പര വിരുദ്ധമായ മറുപടികളാണ് പറഞ്ഞത്.മുഖാവരണം മാറ്റാന്‍ നാട്ടുകാര്‍ ആവശ്യപ്പെട്ടെങ്കിലും അയാള്‍ തയ്യാറായില്ല.ഇതിനെ തുടര്‍ന്ന് നാട്ടുകാര്‍ ബലമായി മുഖാവരണം മാറ്റിയപ്പോള്‍ അവിടെയുണ്ടായിരുന്ന ചിലര്‍ ഇയാളെ തിരിച്ചറിഞ്ഞതോടേയാണ് വിവരം ചങ്ങരംകുളം പോലീസിനെ അറിയിക്കുന്നത്. പോലീസ് നടത്തിയ ചോദ്യം ചെയ്യലിൽ ഇയാളുടെ കൈവശമുണ്ടായിരുന്ന ബൈക്ക് തൃപ്രയാർ ഭാഗത്തു നിന്നും മോഷ്ടിച്ചതാണെന്ന വിവരം ലഭിക്കുന്നത്. കുറ്റിപ്പുറം, വേങ്ങര, പെരിന്തൽമണ്ണ എന്നിവിടങ്ങളിൽ നിന്നും ഇയാള്‍ ഇരുചക്ര വാഹനങ്ങള്‍ കളവു നടത്തിയതായി പോലീസിന്റെ ചോദ്യം ചെയ്യലില്‍ വ്യക്തമായതായി സൂചനയുണ്ട്.
