പ്രതികൂല സാഹചര്യങ്ങളിലും നൂറുമേനി വിളയിക്കാന്‍ പോട്ടൂരിലെ നെല്‍ക്കര്‍ഷകര്‍
എടപ്പാൾ : മുണ്ടകന്‍ കൃഷിയില്‍ നൂറുമേനി വിളവൊരുക്കാന്‍ പോട്ടൂരിലെ കർഷകരും അവര്‍ക്ക് തണലേകി പാടശേഖര സമിതിയും.മലപ്പുറം -പാലക്കാട് ജില്ലാ അതിര്‍ത്തിയായ പോട്ടൂരില്‍ 35 ഏക്കറോളം സ്ഥലത്താണ് ഇത്തവണ കര്‍ഷകര്‍ കൃഷിയൊരുക്കുന്നത്. കൃഷിയിറക്കാനുള്ള ഞാറ്റടി തയാറായി വരുന്നു.അതിനു മുമ്പേ വയല്‍ ഉഴുതിമറിച്ച് കൃഷിയിറക്കാന്‍ പാകത്തിനാക്കി. വയലുകളിലെ വെള്ളം ചോർന്നുപോകാതെ ആവശ്യാനുസരണം തടഞ്ഞുനിർത്താന്‍ വരമ്പ് കെട്ടലും നടന്നു വരുന്നു.ഓണത്തിന് മുമ്പു തന്നെ നടീൽ ഉൾപ്പെടെയുള്ള പണികളും തുടങ്ങാനാണ് നീക്കം.വട്ടംകുളം കൃഷിഭവൻ മുഖേന ലഭിച്ച 160 ദിവസം മൂപ്പുള്ള പൊൻമണി വിത്താണ് കൃഷിക്കായി ഉപയോഗിക്കുന്നത്. നിലവിൽ ഞാറ്റടിയില്‍ പുഴുശല്യം രൂക്ഷമാണ്. കൃഷിപ്പണിക്ക്തൊഴിലാളികളെ കിട്ടാത്തതുംവളങ്ങള്‍ക്ക് ഓരോ സീസണിലും വലിയ തോതിലുള്ള വിലവർധനവ് ഉണ്ടാക്കുന്നതും നെല്‍കൃഷി മേഘലയെ വലിയ സാമ്പത്തിക പ്രതിസന്ധിയിലേക്കാണ് തള്ളി വിടുന്നതെന്ന് പാടശേഖരസമിതി ഭാരവാഹികള്‍ പറയുന്നു.
Comments
Post a Comment