കച്ചവട സ്ഥാപനങ്ങളിൽ മിന്നൽ പരിശോധന : നിരോധിച്ച പ്ലാസ്റ്റിക് ഉത്പന്നങ്ങൾ പിടികൂടി
എടപ്പാള്‍ : കാലടി ഗ്രാമപ്പഞ്ചായത്തിന്റേയും ആരോഗ്യ വകുപ്പിൻ്റെയും നേതൃത്വത്തിൽ കച്ചവട സ്ഥാപനങ്ങളിൽ ആരോഗ്യ ശുചിത്വ പരിശോധന നടത്തി.അണ്ണക്കമ്പാട്, കാവിൽപ്പടി, പുള്ളുവൻപടി, കണ്ടനകം, കാലടി എന്നിവിടങ്ങളിലെ ഹോട്ടൽ, കൂൾബാർ, ബേക്കറി, തട്ടുകടകൾ, സൂപ്പർമാർക്കറ്റുകൾ എന്നിവിടങ്ങളിലാണ് പരിശോധന നടത്തിയത്. നിരോധിച്ച പ്ലാസ്റ്റിക് ഉൽപ്പന്നങ്ങൾ പിടിച്ചെടുത്തു. സെക്രട്ടറി പി.എം. ഷാജി, ഹെൽത്ത് ഇൻസ്പെക്ടർ ടി.ആൻഡ്രൂസ്, കെ.പി.അരുൺലാൽ, സതീഷ് അയ്യാപ്പിൽ, സപ്ന സാഗർ എന്നിവർ നേതൃത്വം നൽകി. പരിശോധനകൾ തുടരുമെന്നും നിരോധിച്ച പ്ലാസ്റ്റിക് ഉൽപന്നങ്ങൾ ഉപയോഗിക്കുന്ന കച്ചവട സ്ഥാപനങ്ങൾക്കെതിരെ നിയമ നടപടികൾ സ്ഥീകരിക്കുമെന്നും സെക്രട്ടറി അറിയിച്ചു.
Comments
Post a Comment