പി.സി. അരവിന്ദനും ടി.കെ.ചന്ദ്രശേഖരനും എം.ടി.വേണു തപസ്യ എടപ്പാൾ നവരാത്രി പുരസ്ക്കാരം

 എടപ്പാള്‍ :  പ്രമുഖ പത്രപ്രവർത്തകനും എഴുത്തുകാരനുമായിരുന്ന എം.ടി. വേണുവിന്റെ സ്മരണാർത്ഥം അദ്ദേഹത്തിന്റെ കുടുംബാംഗങ്ങളും തപസ്യ എടപ്പാൾ യൂണിറ്റും ചേർന്നു നൽകുന്ന എം.ടി. വേണു- തപസ്യ എടപ്പാൾ നവരാത്രി പുരസ്ക്കാരം പ്രഖ്യാപിച്ചു.

ഭക്തിഗാനരചയിതാവ് പി.സി. അരവിന്ദനും സിനിമാ പിന്നണി ഗായകൻ ടി.കെ.ചന്ദ്രശേഖരനുമാണ് അവാര്‍ഡ്.

 രണ്ടുവർഷത്തെ പുരസ്ക്കാരങ്ങൾ ഒരുമിച്ചാണ് ഇക്കൊല്ലം നൽകുന്നത്.     

 സപ്തംബർ 26 ന് തിങ്കളാഴ്ച വൈകീട്ട് 5 മണിക്ക് ശുകപുരം ശ്രീകുളങ്കര ഭഗവതി ക്ഷേത്ര സന്നിധിയിൽ  നടക്കുന്ന  29-ാമത് തപസ്യ നവരാത്രി സംഗീതോത്സവത്തിന്റെ  ഉദ്ഘാടനസഭയിൽ അവാര്‍ഡുകള്‍ വിതരണം ചെയ്യുമെന്ന് ഭാരവാഹികൾ അറിയിച്ചു.