എം.ഡി .എം .എ.യുമായി യുവാവ് അറസ്റ്റില്‍
എടപ്പാൾ : സിന്തെറ്റിക് മാരക മയക്കുമരുന്നായ എം.ഡി.എം.എ. യുമായി യുവാവ് എക്സൈസ് സംഘത്തിന്റ് വലയിലായി. കഴിഞ്ഞ ദിവസം രാത്രി എടപ്പാൾ ജംഗ്ഷനിൽ നിന്നുമാണ് എടപ്പാൾ ശുകപുരം സ്വദേശി മുഹമ്മദ്‌ മർസൂഖ് (22) നെ അറസ്റ്റു ചെയ്യുന്നത്. ഇയാളില്‍ നിന്നും 4.612 ഗ്രാം എം.ഡി.എം.എ.പിടിച്ചെടുത്തിട്ടുണ്ട്. പൊന്നാനി റേഞ്ച് എക്സൈസാണ് പ്രതിയെ പിടികൂടിയത്. ഇയാൾ കഴിഞ്ഞയാഴ്ച്ച ഗോവയിൽ പോയതുമുതൽ എക്‌സൈസിന്റെ നിരീക്ഷണത്തിലായിരുന്നു. പിടികൂടിയ എം.ഡി.എം.എ.ക്ക് വിപണിയില്‍ കാൽലക്ഷത്തിലധികം രൂപ വിലവരുന്നതായും സിന്തെറ്റിക് മയക്കു മരുന്നു വില്‍പ്പനയിലെ പ്രധാനിയാണ് ഇയാളന്നും എക്സൈസ് അധികൃതര്‍ പറഞ്ഞു.ഇയാളുടെ കീഴിൽ ചങ്ങരംകുളം, എടപ്പാൾ, നടുവട്ടം മേഖലകളില്‍ എം.ഡി.എം.എ. വിതരണം ചെയ്യുന്ന സംഘങ്ങൾ പ്രവർത്തിക്കുന്നുണ്ടെന്നാണ് പ്രാഥമിക നിഗമനം. റേഞ്ച് ഇൻസ്‌പെക്ടർ ഇ. ജിനീഷ്, പ്രിവന്റീവ് ഓഫീസർ എ. ഗണേശൻ, പ്രിവന്റീവ് ഓഫീസർ എല്‍. ബാബു, സിവിൽ എക്സൈസ് ഓഫീസർമാരായ ജെ.ഒ. ജെറിൻ, കെ.അനൂപ്, എ.എസ്. ശരത് എന്നിവരടങ്ങിയ സംഘമാണ് പ്രതിയെ പിടികൂടിയത് .
Comments
Post a Comment