വിദേശിയായ ബട്ടർ നട്ട് കൃഷി ഇനി എടപ്പാളിലും
എടപ്പാൾ : ആസ്‌ട്രേലിയ, ന്യൂസിലാൻഡ് എന്നീ രാജ്യങ്ങളിലെ പ്രധാന കാര്‍ഷിക വിളയായ ബട്ടർ നട്ട് ഇനി എടപ്പാളിന്റെ മണ്ണിലും വിളയും.മോഹനൻ കരിപ്പാലിയുടെ കൃഷിയിടത്തിലാണ് എടപ്പാൾ ഗ്രാമപഞ്ചായത്ത് പരീക്ഷണാടിസ്ഥാനത്തിൽ ബട്ടര്‍ നട്ട് കൃഷിയിറക്കുന്നത്. പഞ്ചായത്ത്‌ പ്രസിഡന്റ് സി. വി. സുബൈദ ടീച്ചർ ഉദ്ഘാടനം നിർവഹിച്ചു.ബട്ടർ നട്ട് തൈകൾ നടാന്‍ എടപ്പാൾ ദാറുൽ ഹിദായ എന്‍.എസ്.എസ്. വളണ്ടിയേഴ്‌സും പങ്കാളികളായി. വിളയുടെ പരിപാലന രീതികൾ കൃഷി ഓഫീസർ സുരേന്ദ്രൻ വിവരിച്ചു. വൈസ് പ്രസിഡന്റ് കെ. പ്രഭാകരൻ, വാർഡ് മെമ്പർ ഷീന, സുദീപ് മോഹൻ, കെ. ബുഷ്‌റ, സുസ്മിത പോളി,എം. ഷീജ. എന്നിവർ പങ്കെടുത്തു.
Comments
Post a Comment