ബോധവൽക്കരണ ക്ലാസ്സിൽ ബസ് ജീവനക്കാര്‍ക്ക് ആദരം
എടപ്പാൾ: പൊന്നാനി താലൂക്ക് സംയുക്ത ബസ്സുടമ സംഘം മോട്ടോർ വാഹന വകുപ്പുമായി ചേർന്ന് ബസ് ജീവനക്കാർക്ക് ബോധവൽക്കരണ ക്ലാസ് സംഘടിപ്പിച്ചു. എടപ്പാൾ ആസാദ് റിച്ച് ആൻറ് റിച്ച് ഹാളിൽ നടന്ന പരിപാടി പൊന്നാനി ബ്ലോക്ക് പഞ്ചായത്ത് പ്രസിഡൻ്റ് സി.രാമകൃഷ്ണൻ ഉദ്ഘാടനം ചെയ്തു.കെ.കെ.ബാലൻ അദ്ധ്യക്ഷത വഹിച്ചു. പൊന്നാനി എ.എം.വി.ഐ. അഷ്റഫ് സൂർപ്പിൽ ബോധവൽക്കരണ ക്ലാസിന് നേതൃത്വം നൽകി. താലൂക്കിലെ മികച്ച ഡ്രെവർമാരായ പി.വി. ഹരിഹരൻ, പി.രവി,എം. സുരേഷ് ,കണ്ടക്ടർമാരായ നാരായണൻ ,ഊരത്ത് കുഞ്ഞുണ്ണി , വി.കെ. കേശവൻ എന്നിവരെ ആദരിച്ചു.യു.കെ.മുഹമ്മദ്, കെ.ശശി,റസാഖ് അയങ്കലം,സുജിഷ് അമ്പാടി എന്നിവര്‍ പ്രസംഗിച്ചു .
Comments
Post a Comment