ശബരിമല തീര്‍ത്ഥ യാത്രികര്‍ സഞ്ചരിച്ചിരുന്ന കാര്‍ അപകടത്തില്‍പ്പെട്ടു

 എടപ്പാള്‍ : ശബരിമല ദർശനം കഴിഞ്ഞ് മടങ്ങി വരുന്ന സംഘം സഞ്ചരിച്ച കാർ നിയന്ത്രണം വിട്ട് അപകടത്തില്‍പ്പെട്ടു. സംസ്ഥാന പാതയിലെ കണ്ടനകത്ത് ഇന്ന് ഉച്ചക്ക് 12-നാണ് അപകടം.നിയന്ത്രണം വിട്ട കാര്‍ റോഡരികില്‍ നിര്‍ത്തിയിട്ടിരുന്ന ഒരു ഓട്ടോറിക്ഷയില്‍ ഇടിച്ചതിനു ശേഷം തൊട്ടടുത്ത ഇരുമ്പ് തൂണില്‍ ഇടിച്ചാണ് നിന്നത്.കണ്ണൂര്‍ പേരാവൂർ സ്വദേശികള്‍ സഞ്ചരിച്ചിരുന്ന കാറാണ് അപകടത്തില്‍പ്പെട്ടത്.അപകടത്തില്‍ 5 പേർക്ക് നിസാര പരിക്കേറ്റു.പരിക്കേറ്റവരെ എടപ്പാള്‍ ഹോസ്പിറ്റലില്‍ പ്രവേശിപ്പിച്ചു.ഇന്ന്  ഉച്ചക്ക് 12 മണിയോടെയായിരുന്നു അപകടം.