News24 Edappal

എടപ്പാള്‍: വട്ടംകുളം പഞ്ചായത്ത് മുന്‍ മെമ്പര്‍ മാണൂര്‍ കോട്ടീരി സ്വദേശി പുത്തൻപീടികയിൽ പി.പി.അബ്ദുള്‍ സലാം (56) അന്തരിച്ചു. കരൾ മാറ്റിവെക്കൽ ശസ്ത്രക്രിയക്കായി കോഴിക്കോട്ടെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു.  സി .പി .എം. എടപ്പാൾ ചുങ്കം ലോക്കൽ കമ്മറ്റി അംഗം, മാണൂർ ബ്രാഞ്ച് സെക്രട്ടറി, കോട്ടീരി മഹല്ല് സെക്രട്ടറി, എന്നീ നിലകളിൽ പ്രവർത്തിച്ചിരുന്നു. എടപ്പാളിലെ ആധാരം എഴുത്ത് ഓഫീസിലെ ജീവനക്കാരനുമായിരുന്നു. ഭാര്യ മുൻ വട്ടംകുളം പഞ്ചായത്ത് അംഗം സി .പി. ജമീല മക്കൾ. ജുനൈദ്, ജുസൈന, മരുമക്കൾ മുത്തു, ഫസ്ന. ഖബറടക്കം നാളെ  (ശനി) കാലത്ത് 8.30 ന് കോട്ടീരി ജുമാ മസ്ജിദ് ഖബർസ്ഥാനില്‍.

  എടപ്പാള്‍ : പെരുമ്പറമ്പിലെ സാമൂഹ്യ,രാഷ്ട്രീയ,കലാരംഗത്തെ സജീവ സാന്നിധ്യമായിരുന്ന ബാലന്‍ കണ്ണത്ത് (61) അന്തരിച്ചു.  തൃശൂര്‍ മെഡിക്കല്‍ കോളേജ് ആശുപത്രിയില്‍ ചികില്‍സയിലിരിക്കെ ഇന്നലെ (ബുധനാഴ്ച്ച) രാത്രി 11.30-ന് ആണ് മരണം സംഭവിച്ചത്. പോസ്റ്റ്മോര്‍ട്ടത്തിനു ശേഷം ശവസംസ്കാരം ഇന്ന് നടക്കും. ഭാര്യ.പരേതയായ ലീല. മക്കള്‍. അഭിലാഷ്,അജിത്,അമ്പിളി. മരുമക്കള്‍.ലിജീഷ്,സുരഭി,സൗമ്യ.

  എടപ്പാൾ: നിറവയറുമായി വേദിയിലെത്തി ആർച്ച നിശാന്ത് ലാസ്യ ഭാവത്തില്‍  നിറഞ്ഞാടി. ഗർഭിണിയെന്ന പരിമിതിയെ നടന വിസ്മയങ്ങളുടെ പൊന്‍ പ്രഭക്കു മുന്നില്‍ നിര്‍ത്തി മോഹിനിയായി ആര്‍ച്ച താളാത്കമായി ഭാവതാളങ്ങള്‍ക്കൊപ്പം നടനമാടി. കണ്ടു നിന്ന നൃത്താസ്വാദകരില്‍ ആര്‍ച്ച ഒരു നടന വിസ്മയമായി മാറി.   എടപ്പാൾ വള്ളത്തോൾ വിദ്യാപീഠം നൃത്തകലാകേന്ദ്രത്തിലെ വിദ്യാർഥികളുടെ മൂല്യനിർണയത്തിന്റെ ഭാഗമായാണ് കൊച്ചി സബ് സെന്ററിലെ മോഹിനിയാട്ടം വിദ്യാർഥിനിയായ കൊല്ലം പാരിപ്പിള്ളി കൃഷ്ണാഞ്ജലിയിൽ ആർച്ചനിശാന്ത് മോഹിനിയാട്ട അവതരണത്തിനായി എത്തിയത്. ഒരു വർഷം മുൻപാണ് ഇവർ സെന്ററിലെ അധ്യാപിക സുനിതയുടെ കീഴിൽ ഡിപ്ലോമ ഇൻ മോഹിനിയാട്ടം കോഴ്‌സിൽ ചേർന്നത്. ഇതിനിടയിലാണ് ഇവര്‍ ഗർഭിണിയായത്. മൂല്യനിർണയമായപ്പോൾ പരിശീലനത്തിലേര്‍പ്പെടാന്‍ ചെറിയ ഭയമൊക്കെ ഉണ്ടായിരുന്നെങ്കിലും ആര്‍ച്ച പരിശീലനം മുടക്കിയില്ല. ഒടുവിൽ മൂല്യ നിർണയത്തിൽ ചൊൽക്കെട്ട്, ജതിസ്വരം എന്നിവയിൽ മികച്ച പ്രകടനം കാഴ്ച്ച വെക്കാന്‍ കഴിഞ്ഞതിന്റെ ആത്മ നിര്‍വൃതിയിലാണ് ആര്‍ച്ച.  കല്ലുവാതുക്കലില്‍ നടനം ഡാൻസ് ആക്കാദമി  ഡാൻസ് സ്കൂളും നടത്തുന്നുണ്ട് ആര്‍ച്ച. ആര്‍ച്ചയുടെ നടനം കാണാന്‍  ഭർത്താ

എടപ്പാള്‍ : യുവത്വങ്ങളുടെ  കാഴ്ച്ചകളും തിരിച്ചറിവുകളും പ്രതികരണങ്ങളും അക്ഷരങ്ങളില്‍ പ്രതിഫലിപ്പിക്കുകയാണ് ഓരോ കോളേജ് മാഗസിനുകളുമെന്ന് മലയാളം സര്‍വകലാശാല മുന്‍ വൈസ് ചാന്‍സലര്‍ ഡോ.അനില്‍ വള്ളത്തോള്‍.എടപ്പാള്‍ വള്ളത്തോള്‍ ആര്‍ട്സ് കോളേജിന്റെ  ശബ്ദം മാഗസിന്റെ കവര്‍ പേജിന്റെ പ്രകാശനം നിര്‍വഹിച്ച് സംസാരിക്കുകയായിരുന്നു അദ്ദേഹം. പ്രിന്‍സിപ്പല്‍ പി.ഐവി അധ്യക്ഷത വഹിച്ചു.,ബി.റീജ എം.കെ.അജിത്,കെ.പി.ദേവകി, കെ.എം.രഞ്ജിത്, തുടങ്ങിയവര്‍ പ്രസംഗിച്ചു.

എടപ്പാള്‍ : പോത്തുകളുമായി പോവുകയായിരുന്ന മിനിലോറിയും എയ്സ് മിനി ലോറിയും കൂട്ടിയിടിച്ച് ഒരാള്‍ മരിച്ചു. രണ്ട് പേര്‍ക്ക് ഗുരുതര പരിക്ക്. തൃക്കണാപുരം പറക്കുന്നത്ത് ഷാജി (37) ആണ് മരിച്ചത്. വാഹനത്തിലുണ്ടായിരുന്ന പോത്തുകള്‍ക്കും പരിക്കേറ്റു. ഇന്ന് രാത്രി 10.20-ന് സംസ്ഥാന പാതയിലെ മാണൂര്‍ താഴെ അങ്ങാടിയിലാണ് അപകടം. അപകടത്തെ തുടര്‍ന്ന് സംസ്ഥാന പാതയില്‍ ഗതാഗതക്കുരുക്ക് രൂക്ഷമാണ്.എയ്സ് മിനി ലോറിയുടെ ഡ്രൈവറാണ് ഷാജി.