News24 Edappal

  എടപ്പാള്‍: പൊന്നാനി ബ്ളോക് പഞ്ചായത്തിന്റെ വാർഷിക ബജറ്റ് ബ്ലോക്ക്  പ്രസിഡന്റ് സി. രാമകൃഷ്‍ണന്റെ അധ്യക്ഷതയില്‍ വൈസ്‍ പ്രസിഡന്റ്‍ അഡ്വ. ആർ. ഗായത്രി അവതരിപ്പിച്ചു. 9,86,83966 രൂപ വരവും  9,80,94840 രൂപ ചെലവും നീക്കിയിരിപ്പ് 589126 രൂപയുമുള്ള  മിച്ച ബജറ്റാണ് അവതരിപ്പിച്ചത്. കാർഷിക മേഖലയ്‍ക്ക് 48.96 ലക്ഷം, ആരോഗ്യ മേഖലയ്‍ക്ക് 1.41 കോടി, ഭവന പദ്ധതിക്ക് 3.03 കോടി, പട്ടികജാതി ക്ഷേമത്തിനായി 1.53 കോടി, ഭിന്നശേഷിക്കാരുടെ ക്ഷേമത്തിനായി 38.5 ലക്ഷം കല- കായികം- സാംസ്‍കാരികത്തിനായി 16 ലക്ഷം, വിദ്യാഭ്യാസ പ്രവർത്തനങ്ങൾക്കും കുട്ടികളുടെ ക്ഷേമത്തിനുമായി 83.9 ലക്ഷം, വനിതാ വികസനത്തിനായി 89.7 ലക്ഷം, ജലസംരക്ഷണ പ്രവർത്തനങ്ങൾക്കായി 27.62 ലക്ഷം സ്‍കൂളുകളിൽ ഗേൾസ്‍ ഫ്രണ്ട് ലി ടോയ്‍ലറ്റ് നിർമ്മാണത്തിന് 18.41 ലക്ഷം, ഘടക സ്ഥാപനങ്ങളുടെ അറ്റകുറ്റപ്പണികൾക്കായി 98.4 ലക്ഷം, പെയിൻ പാലിയേറ്റീവ് കെട്ടിട പുനരുദ്ദാരണത്തിന് 23 ലക്ഷം എന്നിങ്ങനെയാണ് പ്രധാന ഫണ്ട് വകയിരുത്തലുകൾ. വിവിധ വൈകല്യങ്ങളുടെയും അനുബന്ധ പ്രവർത്തനങ്ങളുടെയും പ്രതിരോധം, നേരത്തെയുള്ള കണ്ടെത്തൽ, പ്രവർത്തനങ്ങളെ കൈകാര്യം ചെയ്യൽ എന്നിവക്കായി എടപ്പാൾ സി.എച്ച്.സി യിൽ

  എടപ്പാൾ : പൊരിവെയിലില്‍  തണലൊരുക്കുന്ന വര്‍ണ്ണ കുടകള്‍ യാത്രക്കാരുടെ പ്രിയപ്പെട്ട സംഗമ കേന്ദ്രമാകുന്നു. എടപ്പാള്‍ ജംഗ്ഷനിലെ പൊന്നാനി റോഡിലുള്ള ഫുട്പാത്തിലെ ബാരിക്കേഡില്‍   ഓട്ടോ ഡ്രൈവര്‍മാര്‍ സ്ഥാപിച്ച കുടകളാണ് യാത്രക്കാര്‍ക്ക് പൊരിവെയിലില്‍ തണലൊരുക്കുന്നത്.  സ്വകാര്യ സ്ഥാപനങ്ങളുടെ സഹകരണത്തോടേയാണ് കുടകള്‍ സ്ഥാപിച്ചിരിക്കുന്നത്.  ബസ് കാത്തിരിപ്പ് കേന്ദ്രം ഇല്ലാത്ത പൊന്നാനി റോഡിൽ കുടകള്‍ വലിയ ആശ്വാസമാണ് യാത്രക്കാര്‍ക്ക് നല്‍കുന്നത്.  പൊതു ജനങ്ങളുടെ സഹകരണത്തോടെ  കുടിവെള്ള വിതരണ കൂടി നടപ്പിലാക്കാനുള്ള നീക്കത്തിലാണ് ഇവിടുത്തെ ഓട്ടോ ഡ്രൈവര്‍മാര്‍. 

  എടപ്പാള്‍ : ആളു മാറി യുവാവിനു നേരെ സദാചാര പോലീസ് ചമഞ്ഞ ആള്‍ക്കൂട്ടത്തിന്റെ മര്‍ദ്ദനം.  മര്‍ദ്ദനത്തിന് നേതൃത്വം കൊടുത്ത എരമംഗലം സ്വദേശികളായ രണ്ട് യുവാക്കള്‍ ചങ്ങരംകുളം പോലീസിന്റെ കസ്റ്റഡിയില്‍. പടിഞ്ഞാറങ്ങാടി സ്വദേശിയായ 32 വയസ്സുകാരനെ ഇന്ന് വൈകുന്നേരം 4 മണിക്ക് അണ്ണക്കമ്പാട് വെച്ചാണ് സദാചാര പോലീസ് ചമഞ്ഞെത്തിയ സംഘം മര്‍ദ്ദിക്കുകയും വീഡിയോ എടുക്കുകയും ചെയ്തത്. മര്‍ദ്ദനത്തിന് നേതൃത്വം കൊടുത്ത സംഘത്തിലെ ഒരു യുവാവിന്റെ സഹോദരന്റെ ഭാര്യയെ ഒരു യുവാവ് ഇന്‍സ്റ്റഗ്രാം വഴി ശല്യപ്പെടുത്തുകയും അശ്ളീല വീഡിയോ അയച്ചു കൊടുക്കുകയും ചെയ്തിരുന്നു. ഈ വിവരം അറിഞ്ഞ മര്‍ദ്ദക സംഘത്തിന് നേതൃത്വം കൊടുത്ത യുവാവ് സഹോദര ഭാര്യയെക്കൊണ്ട് ശല്യം ചെയ്യുന്ന യുവാവിനെ അണ്ണക്കമ്പാട് എത്തിക്കുവാന്‍ ചട്ടം കെട്ടി. താന്‍ ചുവന്ന നിറമുള്ള പോളൊ കാറിലാണ് വരുന്നതെന്ന്  വിവരം അയാള്‍ യുവതിയെ അറിയിച്ചു. ഇയാളെ പിടികൂടാന്‍ യുവാക്കളുടെ സംഘം അണ്ണക്കമ്പാടുള്ള ഒരു ഇരു ചക്ര വാഹന കച്ചവട സ്ഥാപനത്തിന് മുന്നില്‍ നിലയുറപ്പിച്ചു. ഈ സമയത്താണ് ചുവന്ന സ്വിഫ്റ്റ് കാറില്‍ പടിഞ്ഞാറങ്ങാടി സ്വദേശിയായ യുവാവ് അതു വഴി വരുന്നത്.കാര്‍ തടഞ്ഞ് യുവാക

  എടപ്പാൾ : വട്ടംകുളം താഴത്തങ്ങാടിയില്‍ കുളങ്കര ക്ഷേത്രം റോഡിലെ ബസ് കാത്തിരിപ്പ് കേന്ദ്രം പൊളിച്ച് നീക്കുന്നതിനെതിരെ പ്രതിഷേധവുമായി സി.പിഎമ്മും.ബി.ജെ.പി.യും. വിഷയത്തില്‍ മൗനം നടിച്ച് കോണ്‍ഗ്രസ്സും ലീഗും. അഞ്ച് വര്‍ഷം മുന്‍പ് ഒരു സംഘടനയുടെ മറവിലാണ് ഇവിടെ മോട്ടോര്‍ വാഹന വകുപ്പിന്റെ അനുമതിയില്ലാതെ ബസ് കാത്തിരിപ്പ് കേന്ദ്രം സ്ഥാപിക്കുന്നത്.എടപ്പാള്‍ ഭാഗത്തു നിന്നും വട്ടംകുളം ഭാഗത്തു നിന്നും വലിയ ഇറക്കം വന്നു സമപാതയാകുന്നിടത്താണ് അനധികൃത ബസ് കാത്തിരിപ്പു കേന്ദ്രം നിര്‍മ്മിച്ചത്.ഇത് ചോദ്യം ചെയ്യാന്‍ അന്ന് ആരും ഉണ്ടായിരുന്നില്ല.ഒരു പ്രമുഖ രാഷ്ട്രീയ നേതാവിന്റെ പ്രത്യേക താല്‍പ്പര്യമാണ് ഇവിടെ ബസ് കാത്തിരിപ്പ് കേന്ദ്രം സ്ഥാപിച്ചതിന് പിന്നിലെന്ന് അങ്ങാടിപ്പാട്ടാണ്. ഇപ്പോള്‍ ബസ് കാത്തിരിപ്പ് കേന്ദ്രത്തിന് പിറകിലായി ഒരു കച്ചവട കെട്ടിടം നിര്‍മ്മാണം പൂര്‍ത്തിയാക്കിയിട്ടുണ്ട്.ബസ് കാത്തിരിപ്പ് കേന്ദ്രം പുതിയ കെട്ടിടത്തിന് ഒരു തടസ്സമായ സാഹചര്യത്തില്‍ ചില അണിയറ നീക്കങ്ങളിലൂടെ ബസ് കാത്തിരിപ്പ് കേന്ദ്രം നിര്‍മ്മിച്ച സംഘടന തിങ്കളാഴ്ച കാലത്ത് 10 മണിയോടെ കാത്തിരിപ്പ് കേന്ദ്രം പൊളിച്ചു നീക്കി തുടങ്ങിയത്.

  എടപ്പാൾ: നെല്ലിശ്ശേരിയിൽ ബൈക്കും ഗുഡ്സ് ഓട്ടോയും കൂട്ടിയിടിച്ച്   ചങ്ങരംകുളം സ്വദേശിയായ യുവാവിന് ദാരുണാന്ത്യം.  ബേബിപ്പടി കാട്ടുപറമ്പ് ചന്ദ്രൻ്റ മകൻ സിദ്ധാർത്ഥ്  എന്ന ഷർമ്മിത് (29) ആണ് മരിച്ചത് . അമ്മ : പരേതയായ പ്രേമ

  എടപ്പാള്‍ : അധ്യാപകരും പി. ടി. എ ഭാരവാഹികളും ഒന്നിച്ചിറങ്ങിയപ്പോള്‍  സ്കൂള്‍ ചുമരുകള്‍ വര്‍ണ്ണാഭമായി. എടപ്പാള്‍ ഗവ.ഹയര്‍ സെക്കന്ററി സ്കൂളിലെ അധ്യാപകരും പി.ടി.എ.ഭാരവാഹികളുമാണ് സ്കൂള്‍ ചുമരുകള്‍ പെയിന്റടിച്ച് മനോഹരമാക്കിയത്.  നാലു ദിവസം കൊണ്ടാണ് പെയിന്റിംഗ് പൂര്‍ത്തിയാക്കിയത്.  പെയിന്റിംഗ് നടത്തുന്നതിനുള്ള ചെലവ്  കുറയ്ക്കുകയും പ്ളസ് ടു  പരീക്ഷ എഴുതുന്ന കുട്ടികള്‍ക്ക് നല്ല  മാനസിക സാഹചര്യം ഒരുക്കുകയെന്ന ലക്ഷ്യവുമായാണ്  അധ്യാപകരും പി. ടി. എ. ഭാരവാഹികളും ഇത്തരത്തിലൊരു ഉദ്യമത്തിന് രംഗത്തിറങ്ങിയത്.  പി.ടി.എ. പ്രസിഡന്റ് അഡ്വ. കബീർ കാരിയാട്ട് പ്രിൻസിപ്പൽ കെ .എം. അബ്ദുൽ ഗഫൂർ  അധ്യാപകരായ ഉഷ, ജയൻ, രാജീവ്,രാധിക, ജോമി,സിമി, ബിനീഷ്, ദിവ്യ,പ്രീതി,പ്രേം ഉഷ, മുൻ പി. ടി എ. പ്രസിഡണ്ട് സലാം പോത്തനൂർ, പി. ടി. എ. എക്സിക്യൂട്ടീവ് അംഗം പ്രബിൻ  എന്നിവരുടെ നേതൃത്വത്തിലാണ് പെയിന്റിംഗ് നടന്നത്. 

 എടപ്പാൾ: സംരംഭക വർഷാചരണത്തിന്റെ ഭാഗമായി  എടപ്പാളില്‍ സൂക്ഷ്മ ചെറുകിട വ്യവസായ ഉൽപ്പന്ന പ്രദർശന വിപണനമേള ആരംഭിച്ചു.ജില്ലാ വ്യവസായ കേന്ദ്രത്തിന്റെയും പൊന്നാനി താലൂക്ക് വ്യവസായ ഓഫീസിന്റേയും ആഭിമുഖ്യത്തിൽ മാര്‍ച്ച് 7 വരെയാണ് പ്രദര്‍ശനം.  പൊന്നാനി ബ്ലോക്ക് പഞ്ചായത്ത് പ്രസിഡന്റ് സി.രാമകൃഷ്ണൻ ഉദ്ഘാടനം ചെയ്തു.എടപ്പാൾ ഗ്രാമപഞ്ചായത്ത് വൈസ് പ്രസിഡന്റ് കെ.പ്രഭാകരൻ അധ്യക്ഷനായി.ജില്ലാ വ്യവസായ കേന്ദ്രം മാനേജർ അബ്ദുള്‍ ലത്തീഫ്, പൊന്നാനി ഉപജില്ലാ വ്യവസായ ഓഫീസർ എൻ.റഷീദ്,പൊന്നാനി ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ കാര്യ  സ്റ്റാന്റിംഗ് കമ്മിറ്റി ചെയർമാൻ അനീഷ്,ഗണേശൻ,പി.നിതിൻ,എം.ബി സിന്ധു പ്രസംഗിച്ചു.

 എടപ്പാള്‍: വീട്ടുമുറ്റത്ത് നില്‍ക്കുകയായിരുന്ന കുട്ടിയെ തെരുവ് നായ ആക്രമിച്ച് പരിക്കേല്‍പ്പിച്ചു. വട്ടംകുളം എരുവപ്രക്കുന്ന് തറയില്‍ അഷ്റഫിന്റെ മകന്‍ അഹമ്മദ് ഫാസി (10)നെ ആണ് തെരുവ് നായ ആക്രമിച്ചത്. അഹമ്മദ് ഫാസിന്റെ ഇടത് കൈക്കാണ് കൂടുതല്‍ പരിക്ക്. അഹമ്മദ് ഫാസ് തിരൂര്‍ ജില്ലാ ആശുപത്രിയില്‍ ചികില്‍സ തേടി.വട്ടംകുളം പഞ്ചായത്തിന്റെ വിവിധ മേഘലകളില്‍ തെരുവ് നായ ശല്യം അതിരൂക്ഷമാണ്.

 എടപ്പാള്‍ : തട്ടാൻപടി സ്വദേശിയും സി.പി.എം.പ്രവര്‍ത്തകനുമായിരുന്ന സൈതലവി അന്തരിച്ചു.                      ദീര്‍ഘകാലം എടപ്പാൾ ടൗൺ ബ്രാഞ്ച്  അംഗവും എടപ്പാള്‍ അങ്ങാടിയിലെ ചുമട്ടു തൊഴിലാളി (സി.ഐ.ടി.യു.)യുമായിരുന്നു. ഭാര്യ.കുഞ്ഞിമോൾ മക്കള്‍. കുഞ്ഞിമോന്‍,നാസര്‍,കബീര്‍, തൗഫീഖ്,ഷാഫി,സൗജ,സുഹറാബി

 എടപ്പാള്‍ : സംസ്ഥാന പാതയിലെ മാണൂരിനടുത്ത നടക്കാവില്‍ കെ.എസ്.ആര്‍.ടി.സി.ബസ് ബൈക്കില്‍ ഇടിച്ച് രണ്ട് ബൈക്ക് യാത്രികര്‍ക്ക്പരിക്കേറ്റു.ഗുരുതരമായി പരിക്കേറ്റ തവനൂര്‍ കൂര തെക്കേ പാറക്കല്‍ മനു(15)വിനെ കോട്ടക്കലിലെ സ്വകാര്യ ആശുപത്രിയിലും തൃക്കണാപുരം കൂട്ടായത്ത് അഭിജിത്തിനെ (21) എടപ്പാള്‍ ഹോസ്പിറ്റലിലും പ്രവേശിപ്പിച്ചു.ഇന്ന് ഉച്ചക്ക് 2.30-ന് ആണ് അപകടം ഉണ്ടായത്.

  എടപ്പാള്‍ :മാണൂരിൽ 64 ലക്ഷം രൂപയുടെ  വികസന പ്രവർത്തനങ്ങള്‍ ആരംഭിച്ചു. ഡ്രൈനേജ് നിര്‍മ്മാണം , റോഡ് കോണ്‍ക്രീറ്റ്, റോഡ് സൈഡ് പ്രൊട്ടക്ഷൻ എന്നീ നിര്‍മ്മാണ പ്രവര്‍ത്തികളാണ്  ആരംഭിച്ചത്. അതോടൊപ്പം സ്വകാര്യ വ്യക്തികളുടേയും സ്ഥാപനങ്ങളുടേയും സഹകരണത്തോടെ മാണൂര്‍ സൗന്ദര്യവത്ക്കരണ പദ്ധതിയും നടപ്പിലാക്കുമെന്ന് വാര്‍ഡ് മെമ്പര്‍ മന്‍സൂര്‍ മരയങ്ങാട്ട് അറിയിച്ചു.   

  എടപ്പാൾ: പ്രഥമ കിഡ്സ് അത്ലറ്റിക് ഫെസ്റ്റ്   4 - 5 തിയ്യതികളിലായി ഐഡിയൽ കാമ്പസ് സ്റ്റേഡിയത്തിൽ  നടക്കുമെന്ന് സംഘാടകർ വാർത്താ സമ്മേളത്തിൽ അറിയിച്ചു. വൈകുന്നേരം  നാല്  മുതൽ ഏഴ്  വരേയാണ്  അത്ലറ്റിക്സ് ചാമ്പ്യൻഷിപ്പ്. മറ്റ് അത്ലറ്റിക് മൽസരങ്ങളിൽ നിന്നും  വ്യത്യസ്തമായി ഒരു ടീമിന് ആറ് ഇനങ്ങളിലാണ് മത്സരങ്ങൾ. ഫോർമുല വൺ, സ്പ്രിൻ്റ് ഹഡിൽസ്, എൻ്റുറൻസ്, കിഡ്സ് ജാവലിംഗ്, കോമ്പസ്ക്രോസ് ടൈറ്റ് റോപ്പ് റിലേ തുടങ്ങിയ ശിശു സൗഹൃദ മൽസരങ്ങളാണ് ഫെസ്റ്റിൽ ഉണ്ടാവുക. കിഡ്സ് അത്ലറ്റിക്സ് ചാമ്പ്യൻഷിപ്പ് ജില്ലാതലങ്ങളിലും സംസ്ഥാന തലങ്ങളിലും നടന്നിട്ടുണ്ടെങ്കിലും വേൾഡ് അത്ലറ്റിക് ഫെഡറേഷൻ്റെ മാനദണ്ഡങ്ങൾ പാലിച്ച് ആദ്യമായാണ് ഒരു സ്കൂളിലെ മുഴുവൻ മോണ്ടിസോറി വിദ്യാർത്ഥികളെയും പങ്കെടുപ്പിച്ചു കൊണ്ട് കിഡ്സ് അത്ലറ്റിക്സ് ഫെസ്റ്റ് നടത്തുന്നത്. സംസ്ഥാന കിഡ്സ് അത്ലറ്റിക്സ് കൺവീനറും അത് ലറ്റിക്സ് അസോസിയേഷൻ മലപ്പുറം ജില്ലാ സെക്രട്ടറിയുമായ കെ കെ രവീന്ദ്രൻ ഫെസ്റ്റ് ഉദ്ഘാടനം ചെയ്യും, ഐഡിയൽ ട്രസ്റ്റ് ചെയർമാൻ പി കുഞ്ഞാവു ഹാജി അധ്യക്ഷനാകും. സമാപന ചടങ്ങിൽ അത്‌ലറ്റിക് ഫെഡറേഷൻ ഓഫ് ഇന്ത്യ മെമ്പറും കാലിക്കറ്റ് യൂനിവേഴ്സിറ്റി കായിക വിഭാഗം മ