അഷ്റഫ് പന്താവൂര്‍ അന്തരിച്ചു
എടപ്പാള്‍ : മാധ്യമ പ്രവര്‍ത്തകനും പൊതുപ്രവര്‍ത്തകനുമായ അഷ്റഫ് പന്താവൂര്‍ അന്തരിച്ചു .ഹൃദയാഘാതത്തെ തുടര്‍ന്ന് ഇന്ന് രാവിലെ ആശുപത്രിയില്‍ പ്രവേശിപ്പിച്ചതായിരുന്നു.ഖബറടക്കം ഇന്ന് വൈകീട്ട് അഞ്ച് മണിക്ക് പന്താവൂർ ജൂമാ മസ്ജിദിൽ നടക്കും. ന്യൂയോർക് ഇൻസ്റ്റിറ്റ്യൂട്ട് ഓഫ് ഫോട്ടോഗ്രാഫിയിൽ നിന്ന് ഫോട്ടോ ജേർണലിസം നേടിയ ശേഷം മാധ്യമം, വർത്തമാനം, ഇന്ത്യ ടുഡേ തുടങ്ങിയ വിവിധ മാധ്യമങ്ങൾക്കായി ഫോട്ടോഗ്രാഫറായി പ്രവർത്തിച്ചു. ഗൾഫ് ടുഡേ ഫോട്ടോഗ്രാഫറായും പ്രവർത്തിച്ചു. നിലവിൽ മലബാർ ന്യൂസിന്റെ മലപ്പുറം വെസ്റ്റ് റിപ്പോർട്ടറാണ്.വളയംകുളം റൈസ് ആൻഡ് ഫിഷ് ഹോട്ടലിന്റെ സ്ഥാപകരിൽ ഒരാളാണ്.
